Aqmescit Merkez bazarında turaq dekabr ayına qadar olmaycaq

24.07.201711:50

Cemaat naqliyesi Aqmescit (Simferopol) Merkez bazarında tek dekabr ayından başlap toqtap olur. O vaqıtqa qadar o yerde üç «aqıllı» turaqnıñ qoyulması planlaştırıla.

Bu aqta «Sputnik v Krımu» radiosınıñ yayınında Aqmescit memuriyetiniñ yolbaşçısı Gennadiy Baharev bildirdi.

«Üç «aqıllı» turaq olacaq, şimdiki vaqıtta asfalt qoyulması, kontakt ağınıñ keçirilmesine para ayırılmasınen oğraşamız. Bu, noyabr-dekabr ayından evel olmaz, yani sene soñuna qadar olur. Azırlanmaq, işler alıp barmaq kerek, ekspertiza endi yapıldı», – dep qayd etti o.

Bunen beraber, memuriyet yolbaşçısı bildirdi ki, meydannıñ teminlenüvi boyunca esas işler vaqtında yapıldı. Şimdiki vaqıtta işçiler yarıqlamanen bağlı işlerni bitire.

Avdetniñ evel bildirgenine köre, Qırım paytahtınıñ Merkez bazarı yanındaki meydannıñ tamirlenüvi aman-aman yekünlendi.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция AVDET

Редакция AVDET