Aqmescit ava limanında uçaq seferleri keçiktirile

25.07.201720:30

Aqmescit (Simferopol) ava limanında Moskva yönelişindeki bir sıra uçaq seferi keçiktirile. Online-tablodaki malümatqa köre, seferlerniñ bazıları 6-7 saatqa keçiktirildi.

Moskva yönelişindeki bazı uçaqlarnıñ uçıp kelüv ve ketüvleri geceden başlap keçke qaldırıla. Şimdiki vaqıtqa qadar altı sefer başqa vaqıtqa keçirildi.

Aqmescit ava limanı baş müdiriniñ cemaatçılıq ile alâqa boyunca muavini İgor Laptevniñ añlatqanına köre, seferlerniñ keçiktirilmesi uçaqlarnıñ Qırımğa keç kelgeninen bağlı.

«Uçaqlar bizge keç qalıp kele ve, demek ki, bizden de keçiktirilip kete. Olarnıñ ne sebepten keç qalğanını aytıp olamaymız, çünki elimizde böyle malümat yoq», – dep ayttı o.

Bunen beraber Laptev qayd etti ki, ava limanı ştat rejiminde çalışa, dep bildire RİA-Krım.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция AVDET

Редакция AVDET