76-yaşlı Server Karametovğa 10 biñ ruble para cezasını berdiler

09.08.20179:37

Aqmescitniñ (Simferopol) Jeleznodorojnıy mahkemesi qırımtatar faalini Server Karametovnı Rusiye Memuriy Qanun bozuvları aqqında Kodeksniñ 20.2 maqalesi boyunca qabaatlı  tanıp, 10 biñ ruble para cezasını berdi.

Mahkeme oturışınıñ vaqıtında Karametov yaramay oldı, oña «acele yardımnı» çağırttılar.

Qart qırımtatar faaline qarşı eki memuriy protokol tizdiler. Birisi – «bir insan keçirgen piketlerniñ tertibini bozğanı» içün, ekincisi – «Polis hadiminiñ qanuniy emirine boysunmaması» içün.

Server Karametov boyunca ekinci protokolnıñ Rusiye Federatsıyasınıñ Memuriy Qanun bozuvlar aqqında Kodeksniñ 19.3 maqalesiniñ 1-ci qısmı boyunca «Polis hadiminiñ qanuniy emirine boysunmaması» baqıluvını yarınğa, saat 10 keçirdiler.

Server Karametov 76 yaşında, onıñ Parkinson hastalığı bar.

Avdet haber etkenine köre, Aqmescitte polis qırımtatar milliy areket veteranını Qırımnıñ Yuqarı mahkeme binası altına öz başına piketke çıqqan Server Karametovnı yaqaladı.

Hatırlatamız, bu seneniñ mayıs ayında Server Karametov Aqmescitniñ merkez meydanında tek bir özü piketke çıqtı. O vaqıtta da polis onı yaqalap, ondan yasaq etilgen areket yapqanı içün iza etüvni alğan edi.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция AVDET

Редакция AVDET