Vernadskiy adında Tavriya federal universitetiniñ nebatat bağçasında yañı avtomatik meteostantsiya açılacaq

14.08.201712:17

Sentâbr  ayında, Vernadskiy adında Tavriya federal universitetiniñ nebatat bağçasında yañı avtomatik meteostantsiya açılacaq. Bu stantsiya arqalı sinoptiklerniñ daa doğru tahminler yapmağa çareleri olacaq.

Nebatat bağçasınıñ müdiri Anna Repetskayanıñ aytqanına köre, yañı obyekt, umumiy Rusiye meteorologik ağına qoşulacaq ve mütehassıslarğa iklim ve ava deñişmeleri boyunca yañı malümatlar almağa yardım etecek.

A. Repetskaya qayd etti ki, yañı stantsıyanıñ qurulacaq yeri endi ayırıldı. «Meteostantsiya em nebatat bağçasına, em de universitetniñ coğrafiya fakultetine yardımcı olabile. Böyle stantsıyalar ne qadar çoq olsa, ava arareti tahminleri o qadar keyfiyetli olur» – dep, eminlik bildire müdir.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

 

Author: Редакция AVDET

Редакция AVDET