Aqmescitte orulmağan ot içün sakinlerge para cezası bereler

15.08.201715:09

Keçken afta içinde Aqmescit memüriyeti altı şeer sakinini, qapıları ögünde orulmağan ot öskeni içün paranen cezaladı.

Bu aqta şeer memüriyetiniñ muavını Kirill Skorohodov bildirdi.

«Keçken afta içinde altı kişi memüriy mesüliyetke çekildi. Bir insan içün para cezası 500 rubleni, teşkilâtlar içün ise 30.000 rubleni teşkil ete», ˗ dep ayttı memur.

Keçken afta, Aqmescitniñ (Simferopol) şeer başı Gennadiy Baharev, pek sıcaqtan yanğın havfı olğanı içün, qapıları ogündeki otlarını ormağanlarğa para cezasını belgiledi.

Bir afta içinde 279 kiçik yanğın söndürilgeni de belli etile.

Avdet haber etkeni kibi, Sudaqtaki yanğın 50 gektar yerni qaplap aldı. Bu yanğınnı söndürmek içün 486 insan ve 55 dane mahsus tehnika qullanıldı.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция AVDET

Редакция AVDET