Şimdi toylar mevsimi ve çoqusı qırımtatarları ende bir qaç toyğa barıp yetiştirgendir. Bizde artta qalmadıq J Ve, elbette, er bir qırımtatar toyına ayit hususiyetlerini belgiledik. Lâkin, birden qayd etmege isteymüz ki, bu bir qanuniy hususiyetler degilde, tek bizim közetüvlerimizdir.
. Qırımtatarlarda böyle bir alâmet bardır ki, eger de evde tamir işleri başlağan olsa, demek bu yerde toy olacaq.
. Çoqusu Qırımtatar toyları vaqtında başlamay, davetnamede kösterilgen zamanına kelgen musafirler, toy başlamasını daa bir saatten ziyade beklemege mecbur olalar.
. Toynıñ eñ sevimli avası «Dolu»dır. Bu nağme başlağan soñ tantana açilğan sayıla ve er kes sofrağa buyura.
. Qırımtatarnıñ eñ sade toyına yüzden az adam çağırılmay. Büyük toylarda ise, 300 – 600 insan davet etile. Bu musafirlerlerniñ içinde kelin – kiyev bilmegen insanlarda çoq ola. Ve, elbette, «Asiyadan qomşular».
. «Ahça yapıştırmağa» olğan sıra, Qırımda qavğa etmegen sıralardan yekânesidir.
. Er bir Qırımtatar toyında içip saruşlanğan ve er bir avağa « yapıştırmağa» çıqqan uzaq soy bulunadır.
. Qırımtatar toy muzıkantları o qadar özgün olalar ki, dünyaca belli hitlerge qırımtatar adları bereler. Meselâ koreya haytarması (Gangnam style).
. Bazı toylar ise, o qadar acayıp keçe, tap ofitsantlar oyunğa tüşe.
Ve bazıda tek ofitsant degil de, afrikalı – ofitsant.
- Evli olmağan qırımtatar qızları ise, toyğa kelir ekenler, öz qısmetini tapmağa ümüt eteler, onıñ içün pek dülber olıp azırlanalar. Lâkin, bazıda, absurd allarına yetelerJ
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.