Aqmescit yolunda araba qazası neticesinde qadın elâk oldı

21.08.201721:17

Bugün,  Aqmescitten çıqma yolunda araba qazası neticesinde bir ınsan elâk oldı, eki adam ise zarar kördiler.

Bu haberni Qırım İçki işler nazirliginiñ Trafik polisi bildirdi.

«Yol qazası saat 9.00 yüz berdi. Ford arabasınıñ aydaycısı ögünde aylanğan araba ile çatışmamaq içün, maşnasını qarşı yolğa bura ve neticede, o yoldan kelgen «ВАЗ 2101» arabasınen urula. Jiguli arabasında kelgen yolcılar zarar köre. Maşnada bulunğan qadın elâk ola, aydaycı ve bala hastahanege yollanılalar. Ford arabasınıñ aydaycısı zarar körmedi», – dep haber ettiler matbuat hızmetinde.

Yol qazasını körgenlerniñ sözlerine dinayen balanı acele yardım arabası alıp ketti, elâk olğan qadınnıñ cesedini ise, qazalanğan maşnadan zornen çıqarmaq kerek oldı.

Фото: Автопартнер Крым | ДТП ДПС ПДД

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция AVDET

Редакция AVDET