Qırım mahkemesi «polislerge qarşılıq köstergeni içün» cemaat davasınıñ iştirakçisini apis etti

21.08.201721:09

 

Aqmescitniñ Jeleznodorojnıy rayon mahkemesi «Strelkovaya» samozahvatnıñ faali olğan Fazıl İbraimovnı beş künge apis etti.

Bunı «Krıminform» bildire.

Aqmescitniñ Jeleznodorojnıy rayon mahkemesi, 5 avgustta keçirilgen dava devamında, polislerge qarşılıq köstergeni içün, İbraimovnı administrativ qanun bozuvında qabaatladı.

Hatırlatamız, 5 avgust künü Aqmescitte halq ögünde, açıq bir diñleme keçirildi. Bu tedbir neticesinde yerli sakinler «Qırım gülü» (Krımskaya roza) mikrorayonını teşkil etme qararına keldiler.

Tedbir iştirakçileriniñ çoqusu narazılıq alanınıñ temsilcileri edi. Olarnıñ çoqusını tazminat meselesi raatsızlay edi, çıqışta bulunğanlarnıñ bir qısmı da teklif etilgen proyektke qol tuttılar.

« İbraimovnıñ çıqışı davağa çevirildi, aqibette polis hadimleri onı salondan çıqardılar», – dep bildire «Krıminform».

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

 

Author: Редакция AVDET

Редакция AVDET