Aqmescitniñ ava limanında reyslerni keçiktireler

29.08.201722:17

«Simferopol» halqara ava limanında Moskva, Sankt-Peterburg ve Magnitogorskke ketecek on reys keçiktirile. Keçiktirmeniñ orta saatı üç-dört saatnı teşkil ete.

Bu haberler Qırımnıñ ava limanındaki onlayn-tabloda kösterile.

Bugün Red Wings, Nordavia, Vim airlines ve Ural airlines şirketlerine ait olğan uçaqlar keçiktirilip, keteler.

«Red Wings şirketiniñ reysi bugün saat 00:30 uçacaq edi, amma tehnikiy sebeplerden o, keçiktirildi. Yolcular ava limanındalar, olarnen aviaşirketiniñ temsilcileri çalışıp, bütün kerek olğan şeylernen temin eteler. Red Wingste büyük uçuş programması olğanı içün keçiktirilgen reys arqasından aviaşirketiniñ qalğan reysleri de keçke qaldı», – dep ava limanınıñ matbuat hızmetine atıf etip, haber ete Haber Cumhuriyet Haberler Agentligi

Başqa şirketlerniñ reysleri Qırımğa keç kelgenleri içün keçiktirileler, dep qayd ettiler müessisede.

«Başqa şirketlerde reysler uçaqlar keç kelgenlerinden sebep keçiktirileler. Olar bizge keç keldiler, demek ki, bizden de keç ketecekler», – dep qayd ettiler matbuat hızmetinde.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция AVDET

Редакция AVDET