Qırımda qırımtatar masalı boyunca film çıqarıp başladılar

31.08.20177:50

Qaradeniz Production studiyası «Hıdır – dede» adlı bediy masal – filmini çıqarmağa balşladı.

Masalnıñ stsenariyi üstünden belli qırımtatar jurnalisti Lilya Bucurova ve tarihçi Oleksa Gayvaronskiy çalıştılar.

Filmde aks olunacaq vaqiyalar XVIII asırda olıp keçe ve kino üstünde çalışqanlar bu eski zamanlarınıñ müyitini tolusınen canlandırmağa isteyler. Bu işte olarğa belli stilistler, dizaynerler ve qadimiy ornekler mutehasısları yardım etecektir. Olarnıñ sırasında ressam Mamut Çurlu da bar. Rekvezit olaraq, kollektsionerlerde olğan eski eşyalar qullanılacaq.

Çekimler Qırımnıñ eñ güzel ve qadimiy yerlerinde: Bağçasaray, Kezlev (Yevpatoriya), Sudaq, Biyük – Ozenbaş (Sçastlivoe) köy ve şeerlerinde, muzey – evlerde keçirilecek. Filmde belli qırımtatar aktörları iştirak etecek.

Hıdır – dede rolünde belli aktör ve yırcı Asan Belȃlov çıqarılacaq. Baş bala rollerini, «Canli Ses» istidat şousınıñ alıpbarıcıları Meryem İşenko ve Safet Kubedinov icra etecekler, dep bildire Crimeantatars.club.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız. 

 

Author: Редакция AVDET

Редакция AVDET