Sudaqta avtobus arabağa kelip uruldı

07.09.201710:41

Bügün saba saat 8 Sudaq yolunda avtobus qarşı yolğa çıqıp yengil arabanen uruldı. Qaza neticesinde eki insan yaralandı.

Yolcu avtobusınıñ aydaycısı, naqliyesinen idare etip olamadı ve qarşı yolğa çıqıp, VAZ – 21099 arabasınnen çatıştı.

Qaza neticesinde yengil arabanıñ 21 yaşlı aydaycısı ve avtobusnıñ 32 yaşlı yolcusı zarar kördiler. Olar ekiside Sudaq sakinleri.

Qaza yerine kelip çıqqan qurtarıcılar, zararlanğanlarnı acele yardım arabalarına yetkizdiler. Qaza neticesinde yanğın çıqmaması içün, Fevqulâde nazirliginiñ hadimleri araba akkumulâtırlarını söndürip, yolğa aqıp çıqqan benzinnı yuvıp taşladılar.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

 

 

Author: Редакция AVDET

Редакция AVDET