Ahtem Çiygoznı 8 yıl apiske maküm ettiler

11.09.201723:17

Qırım Cumhuriyetiniñ Yuqarı mahkemesi, qırımtatar faali Ahtem Çiygozge,(2014 senesiniñ 26 fevralinde qarışıqlar çıqarılmasında qabaatlanğan) mahkeme ükümi çıqardı.

Ükümge binayen, Çiygoz 8 yıl apiske maküm etildi.

Taqiqatçılarınıñ aytqanlarına köre, Ahtem Çiygoz, 2014 senesiniñ 26 fevralinde olıp keçken qarışıqlarnıñ teşkilȃtçisidir. Hatırlatamız, o zamanları qarışıqlar neticesinde eki adam elȃk oldı ve 79 zarar kördi.

Ukrainanıñ Tışqı işler nazirliginiñ temsilcisi Maryana Betsa, özüniñ Twitter sayifesinde «Rusiye tarafına qattı narazılığını bildirgendir».

Rusiyede yasaq etilgen milliy Meclisniñ reyisi Refat Çubarov dedi ki, ukrayin akimiyeti, Çiygoznıñ Ukrainağa keçirilmesini talap etecektir.

Qırımtatar faali, Rusiye Federatsiyasınıñ cinayi kodeksiniñ 212 –nci maddesiniñ birinci qısmı boyunca şeklene. Ahtem Çiygoznı 2015 senesiniñ yanvar ayında apis etken ediler.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

 

Author: Редакция AVDET

Редакция AVDET