Qırımlı Aleksandr Usik dünyanıñ 15 eñ yahşı boksçuları sırasına kirdi

12.09.201714:58

WBOnıñ birinci ağır çekiminde dünya çempionı ukrain boksçusı Aleksandr Usik, alman Mark Huknı yengen soñ, dünyanıñ eñ yahşı boksçuları sırasına kirdi.

Farqlı ağırlıq çekimlerinde olğan eñ yahşı boksçularnı, Boxrec mecmuası taqdim etti. Ukrain boksçusı 44 yerden 15 basamaqqa koterildi. Daa bir belli ukrain boksçusı Vasiliy Lomaçenko, reytingniñ dörtünci basamağını aldı.

Sentâbrniñ 9-dan 10 keçer gecesi Aleksandr Usik 10 raundta tehnik nakaut ile almanlı  Mark Huknı yeñdi. Bu yeñiş, professional yarışı sayılğan, Bütün dünya boksçulıq seriyasınıñ (World Boxing Super Series) çerek finalı edi. Endi, Usik WBSS yarım finalında Mayris Briyedis ve Mayk Peres çiftlikniñ ğalibinen körüşecek.

Aleksandr Usik, Mark Huknı raqıp olaraq, 8 iyul künü Monakoda, jereb çekişler devamında, özü seçti. Çerek final çatışmaları sentâbr – oktâbrde, yarım finallar – yanvar – fevralde ve final – mayıs ayında keçirilecek.

Yarış ğalibi, World Boxing Super Series iştirakçileriniñ episi quşaqlarını, 10 million dollar para mükâfatı ve Mohammed Aliden olğan meğanimni alacaqtır. «QırımAqıqat» haber etkenine köre, mayıs ayında Aleksandr Usik, ağırlıq çekimliler arasında, dünyanıñ eñ yahşı boksçıları sırasına kirdi.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция AVDET

Редакция AVDET