Bir aftadan Qırımda avalar suvuycaq

16.10.201723:36

Bu aftanıñ soñuna qadar, Qırım yarımadsında sıcaq ava saqlanıp qalacaq. Yağanaqlar beklenilmey.

Ava arareti kündüz +18 +23 derecege qadar qızacaq, gece ise + 13 derece olması tahmin etile.

Suvuq avalar ise, kelecek aftanıñ ortalarında beklenile. Çünki frontal sıñırlar, Qırımdan keçecekler, dep haber ete «Argumentı nedeli – Krım».

«O vaqıt yağmurlar başlaycaq, avalar bayağı suvuycaq. Oktȃbrniñ soñunda ise ava arareti 15 dereceden aşada olacaq. Kerçek, bulutlı küz başlanacaq», – dedi Qırım Gidromet merkeziniñ başlığı Tatyana Lübetskaya.

Qayd etemiz, evlerni qızdırma zamanı, tek ava arareti bir qaç kün içinde +8 derecede turğan soñ başlanacaq.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

 

Author: Редакция AVDET

Редакция AVDET