Türkiye Qırımdan kelgen gemilerge öz limanlarını qapattı

16.10.201723:19

Türkiyeniñ ticariy – sanayı palatasınıñ, gemicilik işleri boyunca bölüginiñ reberleri, butün deñiz alıp keçmeleri ve liman biznesi ile oğraşqanlarğa, «Qırım ve Qara deñiz regionında gemi keçmeleriniñ belli bir quraları», dep adlandırılğan mektüp yolladılar.

Türk limanlarına, deñiz agentlerine, deñiz boyu keçmeler azırlağan kompaniyalarğa ve gemi saiplerine, resmiy şekilde «Qırımdan ve onıñ limanlarından kelgen gemiler, Türkiyege keçirilmey, ve mından da Qırımğa taraf ketalmay» haber etile.

Ondan da başqa, qattı nezaret sisteması kirsetile.

«Nezaret devamında gemilerniñ butün vesiqaları, sonki çıqqan limanı aqqındaki malümatı, yani butünley er şey teşkerilecek».

Böyle nezaret, er bir limannıñ reberleri tarafından şahsiy şekilde keçirile.

Sonki vaqıtları, Türkiyeden çıqqan gemiler, kütleviy şekilde, barıp yetecek yerleri aqqında doğru olmağan malümatlar bildireler. Bu tedbirlerniñ qullanılması ise, Bosfor boylap keçken er bir gemini diqqatnen ile baqıp çıqmaq mümkün olacaq.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция AVDET

Редакция AVDET