Qırım poliknikalarında talonlarnı lȃğu ete bileler

26.10.201721:15

Qırımda bücet tıbbiyet idarelerinde talon sistemasını lȃğu etmege isteyler.

Cumhuriyet başı Sergey Aksönov özüniñ Facebook saifesinde, Qırımda  tıbbiyet yardımına irişim aqqında kritik seslenüv etti.

Aksönov, sakinlerge tıbbiyet yardımını kösterme seviyesini yüksekçe seviyege kötermek içün, cumhuriyet tıbbiyet naziri Aleksandr Golenkoğa, tolonlarnı lȃğu etilmesi planını tizmesini emir etti.

«Adamlar öz vaqtını ve ruhiy sağlıqlarını, bürokratik maniyalardan keçmege sarf etmemek kerekler», – dedi cumhuriyet başı.

Hastahanelerde vaqtında tıbbiy yardım almağa keder etken şeylerden biri, bu talon sisteması ve şeer ve köyler arasında yürgen naqliye azlığıdır, dey Aksönov.

«Şimdi vaziyet öyle ki, bir insanda böyle talonnı bulunması, cenkten alınğan ğanimet kibi baqıladır. Amma o kȃğıtçıqnı «süngü ücümi» ve «okoplarda» küreşsiz alamazsıñız. Ve vaziyetni daa pek kerginleştirgen şey, bu köylerden poliklinikalarğa yetip barmaq içün kerekli şekilde naqliyat yürmegenidir», – dep yazdı Aksönov.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız. 

Author: Редакция AVDET

Редакция AVDET