Aqmescit ava limanında rulej yolçığını uçıp keçken quşlar üyüri sebebinden, Moskvadan kelgen uçaq keçke qaldırıldı.
Bu aqta yolcılar haber etti. Terminalğa yol üstünde toqtağanı aqqında, ekipaj komandanı haber etti.
Ava limanınıñ matbuat hızmetinde haber etkenlerine köre, böyle adiseler sıq rast kele, areketni toqtatma qararını ise, ornitologlar qabul etti.
«Ava limanında çalışqan ornitologlar uçaqnıñ ketken yolağı üstünde bir sürü quş kördiler. Ondan soñ uçucılarğa areketni toqtatmağa tevsiye ettiler», – dep ayttı ava limanınıñ akimiyet ve cemaatçılıq ile bağ müdiri İgor Laptev.
Onıñ sözlerine köre, quşlarnı mahsus, zarar ketirmeycek aletler ile quvalar, dep haber ete RİA-Krım.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
