Qırım mahkemesi «ukrain diversantları işi» boyunca şeklengen insannı beş yıl apis cezasına maküm etti

17.11.201713:33

Aqyar şeer makemesi 16 noyabr künü «ukrain diversantları işi» boyunca şeklengen Dmitriy Ştıblikovnı  5 yıl qattı tertip apisine ve 200 biñ ruble pаra cezasına maküm etti.

Bu aqta «Krıminform»nıñ mühbiri haber ete.

Bu yılnıñ 18 mayıs künü, Dmitriy Ştıblikov tahqiqatçılarnen işbirlik yapıp, öz qabaatını tanıdı. Qabaatlanğan insanğa bir mustaqil advokat yollamadılar.

2016 senesiniñ 9 noyabr künü, Aqyarda «Ukrainanıñ mudaafa Nazirliginiñ hafiyelik boyunca çalışqan diversiya – terroristik taqımınıñ azalarını» yaqalağan ediler. Olarnıñ sırasında Dmitriy Ştıblikov, Aleksey Bessarabov ve Vladimir Dudka.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция AVDET

Редакция AVDET