Semaşko adına hastahaneniñ poliklinikasında elektron sıranı işke tüşürdiler

17.11.201713:08

Qırımda birinci olaraq, elektron qaydhane , Semaşko adına Cumhuriyet klinik hastahanesinde açıldı.

Hastahaneniñ baş ekimi Aleksandr Ostapenkonıñ sözlerine köre, bu işte «ATAN» adlı Qırım şirketi yardımcı oldu. Belli oğanı kibi, bui sim altında Qırımda bir çoq yaqıt qoyuv stantsiyaları çalışa, dep haber bildire «Krıminform».

«15 noyabr künü bizler, elektron qayd etüv sistemasını yerleştirip, çalıştırıp başladıq. Bu sistema avtomat şekilde, bütün bizge kelgen hastalarını sırağa qoya. Böyle sistema qaydhanelerge olğan nevbetlerni azlaştıra. Bugün poliklinikada yapılğan bütün işlerge, bu em tamir işleri, qaydhaneler, elektron sistemısı, bir bücet parasını masraf etmedik. Biz ortaqlarımızğa teşekkürlerimizni bildiremiz», – dep ayttı Ostapenko.

Qaydhanesine yapılğan elektron biletlerniñ faydası birinci künden belli oldı, dey hastahanede çalışqanlar. Ondan evel, hastahanede bir künde 100 adam qabul ete edik, 15 noyabr künü ise 409 hasta qabul etik.

Hastalar aqqındaki malümat ende elnen yazılmay, er şey OMSniñ nomerası boyunca anıqlana.

Baş ekimniñ aytqanlarına köre, eger başta bir hastanı vesiqalarını toldırmağa, tahminen yedi daqqa kete olsa, şimdi iş bir buçuq daqqada çezile. İmtiyazları olğan ve «yeşil koridor» boyunca iş körülgen sakinler içün, terminalda ayrı hızmet kösterilgen.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция AVDET

Редакция AVDET