Yağmurlar sebebinden Qırımnıñ 12 köyünde elektrik ağlar söndürildi.
Bu aqta «Krımenergo»nıñ haberlerinde bildirile.
Işıq söndürivleri Aqmeçit, Saq, Canköy, Aq Şeih rayonlarında ve Kefe civarında olıp keçti.
21noyabrniñ sabasına Kefe regionındaki 16 transformatorlardan 2 danesi, Saq rayonında ise, 15 danesinden 1 dane transformator çalışmay edi.
İdarelerniñ haber etkenine köre, böyle vaziyet yağmur, ve binalarnıñ yaramay alda olğan damları sebebinden peyda olğandır.
Hatırlatamız, Qırımda çalışqan fevqulâde nazirliginiñ idaresi 20 – 22 noyabr künlerine küçlü yağmur, qar ve yel aqqında ihtar çıqardı.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.